Detaje për serbin e arrestuar, që kërkonte para nga kosovarët për t’i çuar jashtë vendit

01:06 | 9 Shtator 2017
Trina Galanxhi

Gjatë orëve të fundit të së premtës, Indeksonline ka rapotuar lidhur me ndalimin e një serbi nga Policia e Kosovës, pasi që i njëjti dyshohet të ketë kërkuar para nga kosovarët në mënyrë që t’i dërgonte ata jashtë vendit.

Ndërkohë burime të Indeksonline brenda Policisë së Kosovës, bëjnë të ditur se personi i ndaluar është D.P, 43 vjeçar.

Gjithashtu siç mëson Indeksonline, të arrestuarit tashmë i është shqiptuar masa e arrestimit prej 48 orësh.

Policia e Kosovëës pas ndalimit të personit në fjalë ka bërë edhe konfiskimin e veturës së tij, veturë kjo e tipit ‘Tauran’.

Duhet përkujtuar që gjatë ditëve të fundit dyshohet që grupe të ndryshme kanë bërë organizimin e qytetarëve kosovarë për t’u nisur drejt vendeve të huaja.